ОЧЛ-2018: “Насаф” иккинчи турда 3 очкони қўлга киритди

Бугун ОЧЛ-2018 2-туридан ўрин олган бир қатор учрашувлар бўлиб ўтмоқда. Улар орасида “Насаф” – “Ал Васл” баҳси ҳам ўрин олганди.

Қаршидаги “Марказий” стадионда бўлган беллашувда томонлар биринчи бўлимда ҳисобни оча олишмади.

Иккинчи таймнинг 57-дақиқасида Рўзиқул Бердиев шогирдлари кўп сонли ҳужумларидан биринни самарали якунлашди. Бурчакдан Славко Лукич ошириб берган тўпни Игорь Голбан боши билан дарвозага жойлаб қўйди – 1:0.

Баҳснинг қолган дақиқаларида томонлар ҳар қанча ҳаракат қилишмасин Голбан томонидан киритилган гол ягоналигича сақланиб қолинди.

Шу тариқа, “аждарлар” иккинчи турга келиб, дастлабки ғалабаларини танътана қилишди.

ОЧЛ-2018, 2-тур.

18:00. “Насаф” – “Ал Васл” 1:0 

Гол: Игорь Голбан 57

“Насаф”: 35.Санжар Қувватов, 6.Азизжон Ғаниев, 7.Одилжон Ҳамробеков, 10.Бобир Абдухолиқов (8.Санжар Рашидов, 90+4), 20.Ислом Кенжабоев (27.Ислом Рашидхонов, 55), 22.Игорь Голбан, 31.Сайдулло Раҳматов, 55.Славко Лукич, 69.Драган Черан, 77.Жасур Ҳасанов (17.Дониёр Нарзуллаев, 83), 92.Умарбек Эшмуродов.

Захира: 1.Умиджон Эргашев, 4.Мақсуд Каримов, 5.Ғолиб Ғайбуллаев, 14.Шароф Муҳитдинов.

“Ал Васл”: 1.Султон Ал Мантери, 3.Абдуллоҳ Салоҳ, 4.Абдулла Жассим, 5.Али Салмон Ал Балуши (78.Халил Хамис, 65), 7.Кайо Канедо (88.Ҳумаид Аббос, 24), 8.Энтони Касерес, 15.Абдулла Ал Нақби, 17.Роналдо Мендес, 22.Муҳаммад Ҳасан (99.Али Солиҳ, 46), 44.Салим Жума Алазизи, 77.Ҳазза Ал Фарези.

Захира: 12.Юсуф Абдулла, 13. Холид Ал Шайбони, 24.Ҳамад Ал Болуши, 55.Ахмад Эсса Жума.

Огоҳлантиришлар: Али Салмон 18, Сайдулло Раҳматов 18, Абдулла Ал Нақби 64, Умарбек Эшмуродов 64, Ҳумаид Аббос 70, Ислом Рашидхонов 90+4.

Фикрлар

Фикр қолдириш учун авторизациядан ўтинг!