Ибрагимович 255 кунлик танаффусдан сўнг яна гол урди

“Манчестер Юнайтед” клуби ҳужумчиси Златан Ибрагимович кеча Англия лига кубогининг 1/4 финал босқичида “Бристоль Сити” (1:2) дарвозасини ишғол этди.

Эътиборлиси, 36 ёшли швециялик футболчи 255 кунлик танаффусдан сўнг яна катта саҳнага чиқди ва ўз номини таблога ёздириб қўйишга эришди. Айтиш лозимки, Ибрагимович сўнгги марта ўтган мавсумда, 9 апрель куни “Сандерленд”га (3:0) қарши баҳсда гол киритган эди.

Эслатиб ўтамиз, Златан ўтган мавсум сўнггида жиддий жароҳат олган ва узоқ муддат майдонга туша олмаган эди.