18 ёшли теннисчимиз 25 минг долларлик турнирнинг ярим финалига чиқди

Олдин хабар бериб ўтганимиздек, Қозоғистоннинг Чимкент шаҳрида “Фьючерс” туркумига кирувчи турнир давом этмоқда.

Мукофот жамғармаси 25 000 АҚШ долларини ташкил этувчи турнирнинг бугун чорак финал беллашувлари бўли ўтди.

Ҳамюртимиз Хумоюн Султонов бу босқичда россиялик Илья Васильевдан 6:3, 5:7, 6:1 ҳисобида устун келди ва ярим финалга йўл  олди.

Финал учун баҳсда 18 ёшли теннисчимизга босния ва герцоговиналик Томислав Бркич рақиблик қилади.

Ушбу турнирда иштирок этаётган яна бир ҳамюртимиз Жўрабек Каримов эса испаниялик Энрике Лопес-Пересга 1:6, 3:6 ҳисобида имкониятни бой берди ва турнирдаги юришига якун ясади.