АПЛнинг бағри кенг футболчилари

 

Футбол майдонида тўп сураётган чарм тўп устасининг энг олий мақсади рақиб дарвозасига гол уришдир. Голсиз ғалаба бўлмайди. Тўпурар футболчи ҳар доим эътибор ва эътирофга лойиқ. Ҳатто дунёнинг энг кучли футболчисига бериладиган "Олтин тўп" соҳибини аниқлашда ҳам тўпурарлик маҳорати муҳим аҳамият касб этади.

Лекин майдонда шундай футболчилар борки, улар жамоадаошининг гол уриши учун қулай вазият яратиб беради. Унинг паси ҳужумчининг гол уриши учун йўл очади. Англия премьер-лигасида энг кўп голли пас узатган футболчи Райан Гиггз экан.

"Манчестер Юнайтед" сафида мингга яқин ўйин ўтказган уэльслик футболчи фаолият давомида 162 та голли пас узатган. Бу такрорлан рекорд ҳисобланади. Унинг энг яқин таъқибчиси Фрэнк Лэмпард 102 маротаба самарали пасга муаллифлик қилган.

"Манчестер Юнайтед"нинг гол уриш бўйича рекордчисига айланган Уэйн Руни голли пас ошириш бўйича ҳам етакчилар қаторида. Рунининг жамоадошлари у оширган тўплардан 101 тасини рақиб дарвозасига жойлаган.

"Челси" ярим ҳимоячиси Сеск Фабрегас премьер-лиганинг навбатдаги турида голли пас ошириш бўйича Уэйн Рунининг натижасини такрорлади.

Руни ва Фабрегас фаолиятини давом эттирмоқда ва бу футболчилар голли пас узатиш бўйича яқин орада Фрэнк Лэмпардни ортда қолдирдади.

SPORTS.uz

Фикрлар

Фикр қолдириш учун авторизациядан ўтинг!