Абдураимова кучли рақибасига имкониятни бой берди

Ўзбекистоннинг иккинчи  ракеткаси Нигина Абдураимова Россиянинг Санкт-Петербург шаҳрида давом этаётган турнирда ўзининг навбатдаги баҳсини ўтказди.

Яккалик баҳсларининг иккинчи даврасида ҳамюртимизга турнирнинг биринчи ракеткаси Донна Векич(Хорватия) рақибалик қилди. 2 соат 1 дақиқа давом этган қарама-қаршиликда Нигина 6:3, 6:7, 1:6 ҳисобида имкониятни бой берди.

Шу тариқа, 23 ёшли теннисчимиз мукофот жамғармаси 15 000 АҚШ долларини ташкил этувчи турнирнинг яккалик баҳсларидаги юришига якун ясади.

Жуфтлик баҳсларида Анастасия Фролова билан дует ҳосил қилган Абдураимова чорак финал босқичида Ксения Лийкина(Россия)/Эмил Уембли-Смитга қарши кортга чиқди.

50 дақиқа давом этган қарама-қаршиликда Нигина ва унинг шериги 6:0, 6:4 ҳисобида ғалаба қозонди ва ярим финалга йўл олди.

Фикрлар

Фикр қолдириш учун авторизациядан ўтинг!