Адам Лаллана Англия термасининг 2016 йилдаги энг яхши футболчиси бўлди

Англия терма жамоаси ва “Ливерпуль” клуби ярим ҳимоячиси Адам Лаллана миллий терма жамоанинг 2016 йилдаги энг яхши футболчиси деб топилди. Бу ҳақда FA хабар бермоқда.

Овоз бериш жараёнида иштирок этган респондентларнинг 39 фоизи “Ливерпуль” аъзосини қўллаб-қувватлади. Иккинчи ва учинчи ўринларни мос равишда Жейми Варди (12%) ва Уэйн Руни (8%) қўлга киритди.

Англия ёшлар терма жамоасининг энг яхши футболчиси “Саутгемптон” ярим ҳимоячиси Натан Редмонд деб топилди.

Эслатиб ўтамиз, Уэйн Руни сўнгги уч йилда икки марта – 2014 ва 2015 йилларда мазкур мукофотга лойиқ топилганди.