Александр Ляказетт "Арсенал"нинг илк ўйинида гол уришга муваффақ бўлди

Европа клублари дунё бўйлаб ўз турнесини бошлаб юборди.

Австралияга саёҳат уюштирган Лондоннинг “Арсенал” жамоаси маҳаллий “Сидней ФК” футболчилари билан куч синашиб, 2:0 ҳисобида зафар қучди. “Тўпчилар”нинг янги аъзоси Александр Ляказетт илк ўйинда гол уришга муваффақ бўлди.

Африкага йўл олган “Эвертон” ҳам ғалаба нашидасини сурди. Узоқ йиллардан кейин “Эвертон”га қайтган Уэйн Руни янги жамоасида илк голини урди ва якунда “ирислар” 2:1 ҳисобида зафар қучди.

“Валенсия” эса сафарда “Спортинг” билан тўқнаш келди ва 3:0 ҳисобида ғалаба қозонди. Марио Балотелли битта гол урган ўйинда “Ницца” 3:2 ҳисобида “Гент”ни таслим қилди.

“Сидней ФК” (Австралия) – “Арсенал” Англия – 0:2 (0:1)

Голлар: 0:1 – Мертесакер, 4. 0:2 – Ляказетт, 83.

“Гор Махия” (Кения) – “Эвертон” (Англия) – 1:2 (1:1)

Голлар: 0:1 – Руни, 35. 1:1 – Туйисенге, 37. 1:2 – Киран, 82.

“Спортинг” (Португалия) – “Валенсия” (Испания) – 0:3 (0:2)

Голлар: 0:1 – Орельяна, 22. 0:2 – Родриго, 28. 0:3 – Начо, 67.

“Гент” – “Ницца” 2:3

Голлар: 1:0 – Верстраде, 13. 1:1 – Марио Балотелли, 41. 1:2 – Сукет, 52. 2:2 – Симон, 66. 2:3 – Плеа, 90.