Александр Хомяков: Бугунги баҳсда омад биз томонда эмасди

Олий лиганинг 22 туридан ўрин олган «Машъал» - «Бухоро» (1:1) учрашувидан кейин ташкил этилган матбуот анжуманида “Машаъл” устози Александр Хомяков ўйин ҳақидаги фикрларини билдириб ўтди.

- Биз бугунги ўйин оғир бўлишини билган эдик. Шогирдларимга эътирозим йўқ. Ўйлайманки, «Машъал» муҳлислари ҳам бугунги баҳсдан қониқишди. Албатта, гол урдик, аммо бизнинг режамиз бўйича биринчи бўлимда муваффақиятга эришишимиз керак эди. Лекин буни уддасидан чиқа олмадик. Иккинчи тайм охирларида гол ўтказиб юборганимиздан кейин ҳимояни янада кучайтириб қарши ҳужум тактикасини кўлладик. Ҳужумда аниқлик етишмади. «Бухоро» ҳам ҳимояда яхши ҳаракат қилди. Шунинг учун биз узоқ масофалардан зарбалар беришга интилдик. Аммо дарвоза тўсинни икки бор мехмонларни голдан қутқариб қолди. Бугунги беллашувда омад биз томонда эмасди. Яна бир бор шогирдларимга раҳмат айтмоқчиман ва жамоа муҳлисларига ҳам ўз миннатдорчилигимни билдираман. Улар бугун бизни 90 дақиқа қўллаб қувватлашди. Ўйлайманки, келгуси учрашувларда бугунгидан ҳам кўпроқ қўллаб қувватлашади, -дейди Хомяков.

Фикрлар

Фикр қолдириш учун авторизациядан ўтинг!