Андре Силва "Милан"нинг 11 йиллик ноҳуш анъанасига чек қўйди

Италиянинг “Милан” клуби ҳужумчиси Андре Силва кеча УЕФА Европа лигаси гуруҳ босқичи дастлабки турида “Аустрия” (5:1) клубига қарши баҳсда хет-трик қайд этишга мувоффақ бўлди.

Эътиборлиси, 21 ёшли португалиялик футболчи “Милан”нинг 2006 йилдан буён еврокубоклардаги илк хет-триги муаллифи бўлди. Боиси, ўтган 11 йил давомида “россонерилар”нинг ҳеч бир аъзоси еврокубокларда бир ўйинда 3та гол киритишга эришмаган эди.

Миланликларнинг сўнгги хет-тригига Кака муаллифлик қилган. Бразилиялик футболчи ўшанда Чемпионлар лигаси доирасида “Андерлехт” дарвозасига 3та тўп киритишни уддалаган.