Андре Уорд фаолиятини якунлади

33 ёшли америкалик боксчи Андре Уорд бугун профессиональ боксни тарк этганини маълум қилди.

– Бокс, мен сени яхши кўраман. Сен билан 10 йил давомида бирга бўлдик. Менга кўп нарсани ўргатдинг. Мен кўп нарсани “қурбон қилдим”, бироқ сен менга ундан кўпроғини тақдим қилдинг. Сен мени чемпион қилдинг ва оиламга ғамхўрлик қилишда ёрдам бердинг. Бундан ҳар доим миннатдорман. Бугун бу спортни тарк этар эканман, ҳар доим орзу қилиб келган чўққидаман.Биз буни уддаладик. Бу саёҳатим давомида иштирок этган барчага рахмат. Сизларсиз мен буни қила олмаган бўлардим. Шуни айтган бўлардимки, организмим бу спортнинг машаққатини кўтара олмай қолди ва ортиқ урушишни истамайман, – дейди Андре Уорд.