"Astana Arlans Kazakhstan" мураббийи ўзбек боксчиларини табриклади

The World Series Boxing (WSB) - Бутунжаҳон бокс серияларининг VII мавсумида "Uzbek Tigers" ва "Astana Arlans Kazakhstan" жамоалари учрашувидан олдин мезбон жамоа мураббийи Нурлан Акурпеков ўз фикрларини айтди.

- Ўзбекистонлик боксчиларни Олимпия ўйинларидаги юксак натижалари билан табриклайман, - деди Нурлан Акурпеков. - Биз эртанги жангга Қозоғистон чемпионлари ва халқаро турнирлар ғолибларини чиқарамиз. Жамоамиз сардори Олжас Саттибаев ҳам Олимпия ўйинларида муносиб қатнашган. Эртага жуда муросасиз учрашув бўлади.

WSB турнирининг иккинчи турида "Astana Arlans Kazakhstan" шарафини Олжас Саттибаев, Закир Сафиуллин, Асланбек Шимбергенов, , Нурдаулет Жарманов, Камшибек Кункабаев ҳимоя қилади.

SPORTS.uz