Аёллар футболи. “Севинч” кубок учун курашни чорак финалдаёқ якунлади

Бугун “Севинч” ўз майдонида Бекободнинг “Металлург W” жамоаси билан Ўзбекистон Кубогининг ¼ чорак финали жавоб учрашувида баҳс олиб борди.

Бу икки жамоа кейинги йилларда фақат финалда туқнаш келишаётган бўлишса, бу йил чорак финалдаёқ дуч келишди.

Учрашув кутилганидек қизиқарли ва муросасиз курашларга бой тарзда ўтди. Учрашув жамоамиз учун омадсиз бошланди. Ҳисоб 4-дақиқада меҳмонлар томонида очилди. Собиқ футболчимиз Маҳлиё Сарикова ўз жамоасини ҳисобда олдинга олиб чиқди – 0:1.

Албатта бу ҳисоб “Севинч”ни қониқтирмас эди. Шу боис футболчиларимиз имкон қадар ҳужумларга зўр беришди. Биринчи бўлимни ўзидаёқ нафақат ҳисобни тенглаштиришимиз, балки олдинга ҳам ўтиб олиш учун қулай имкониятлар бўлди. Афсуски бу вазиятлар қўлдан бой берилди. Футболчиларимиз бирга-бир вазиятларда дарвозани эмас, дарвозабонни кўзлаб зарба беришди.

Биринчи бўлимга қўшиб берилган дақиқаларда рақиб жарима майдончасида ўйинчимиз Шахноза Қурбоновани ҳимоячилар тўхтатиб қолишди. Учрашув ҳаками 11 метрлик нуқтага ишора қилди. Пенальтини Мафтуна Шойимова бехато амалга ошириб, орадаги ҳисобни тенглаштирди – 1:1.

Иккинчи бўлимда ҳам жамоамизда гол уриш учун кўплаб имкониятлар бўлди. Яна шу аҳвол вазиятлардан фойдалана олмаслик. 53-дақиқада Дилдора Нозимова “Металлург W” жамоасини яна ҳисобда олдинга олиб чиқди – 1:2.

Учрашувнинг 86-дақиқасида Людмила Карачик ҳисобни 1:3га ўзгартиришга эришди.

Жамоамизнинг учрашувдаги иккинчи голи 89-дақиқада Илвина Аблякимова томонидан киритилди – 2:3.

Бугун жамоамиз ўйини кўнгилдагидек бўлмади. Айрим ўйинчиларимиз кўплаб тўп учун курашда ва тўп билан муомала қилишда хатоларга йўл қўйишди. Учрашувни ўз майдонида ўтказишга қарамасдан, гўёки ярим жамоадек ҳаракат қилишди. Умуман олганда, “Металлург W” жамоаси бугун ғалаба ҳақлироқ ўйин намойиш қилди.

Шундай қилиб, учрашувда “Металлург W” жамоаси ғалабага эришди ва кубок учун курашни ярим финалда давом эттирадиган бўлди. Ўз тарихида тўққиз карра Ўзбекистон Кубоги соҳиби бўлган “Севинч” жамоамиз эса, бу йилги кубок учун курашни чорак финалдаёқ тўхтатди.

 

XVI Ўзбекистон Кубоги, ¼ финали жавоб учрашуви

“Севинч” (Қарши) – “Металлург W” (Бекобод) 2:3 (1:1)

23.09.2017. “Геолог” стадиони. 15:30да

 

Бош ҳакам: Жасур Қудратов (Тошкент)

Қанот ҳакамлари: Искандар Зоитов (Тошкент вил.), Жафар Бобожонов (Тошкент)

Захира ҳаками: Ҳуснора Жумаева (Қарши)

Назоратчи: Олег Дачев (Тошкент)

ЎзАФА вакили: Э.Н.Ғуломова.

 

Дастлабки учрашув: 1:1

 

Гол: Мафтуна Шойимова, пен. 45+3′-1:1, Ильвина Аблякимова, 89’-2:3 –  Маҳлиё Сарикова, 4′-0:1, Дилдора Нозимова, 53′-1:2, Людмила Карачик, 86’-1:3

 

“Севинч”: 1.Лайло Тилавова, 8.Камола Рискиева, 9.Мафтуна Шойимова, 11.Шахзода Жамолова, 15.Шахноза Қурбанова, 17.Танзиля Зарбиева (с), 19.Гулҳайё Маннабоева, 20.Севара Нормуродова (3.Шоира Қултураева 79) (27.Шодия Тошева 87), 23.Мафтуна Панжиева (10.Ильвина Аблякимова 56), 37.Малика Бурханова, 77.Нилуфар Қудратова.

Захира: 33.Мафтуна Жонимқулова, 6.Ферўза Бобохўжаева, 7.Олия Ахмедова, 14.Гулзода Амирова.

 

“Металлург W”: 30.Гуландон Бойматова, 3.Зумратжон Назарова, 77.Нозима Камолтоева, 21.Холида дадабоева (с), 18.Юлдуз Набиева (6.Иродахон Турдалиева 55), 22.Мавлуда Мунавварова, 7.Маҳфуза Турапова (23.Диёра Ҳабибуллаева 77), 10.Ферўза Турдибоева, 11.Дилдора Нозимова (4.Насиба Хожиева 85), 25.Людмила Карачик (20.Лутфинисо Хамидова 89), 9.Маҳлиё Сарикова.

Захира: 16.Дилафрўз Ходжаева,  17.Диёра Эркинова.

 

Огоҳлантириш: Камола Рискиева (8), Гулҳайё Маннабоева (59).

Фикрлар

Фикр қолдириш учун авторизациядан ўтинг!