"Bavariya" qarshisida "Arsenal"ning "zambarag"i otilmay qoldi

Bundan bir necha daqiqa avval "Bavariya" va "Arsenal" jamoalari o‘rtasidagi Evropa chempionlar ligasi nimchorak final dastlabki uchrashuvi bo‘lib o‘tdi. 

Uchrashuv kutilganidek mezbonlarning ustunligida boshlandi. O‘yindagi ustunlik esa 11 daqiqaga keliboq golga aylandib Aren Robben hisobni ochdi. 29-daqiqaga kelib uchrashuv bosh hakami mezbonlar darvozasi tomon penalti belgiladi. Aleksis Sanches tomonidan berilgan birinchi zarbani darvozabon qaytarishga muvaffaq bo‘ldi, ammo qaytgan to‘pga birinchi bo‘lib etib kelgan Sanches baribir maqsadiga erishdi, 1:1. Birinchi bo‘lim "Arsenal" uchun risoladagidek yakunlandi.

Ikkinchi bo‘lim ham birinchi bo‘limdagi kabi mezbonlarning ustunligi ostida boshlandi. Uchrashuvning 53-daqiqasi o‘tib borayotgan bir vaqtda Robert Levandovskiy "Bavariya"ni hisobda oldinga olib chiqdi. Oradan 3 daqiqa o‘tgan esa Tyago Alkantara to‘plar farqini 2taga etkazib qo‘ydi, 3:1. 63-daqiqaga kelib Alkantara o‘zining dublini "Arsenal" ko‘z yoshlari bilan "yuvdi". O‘yindagi so‘ngi nuqtani esa 86-daqiqada Levandovskiy o‘rniga maydonga tushgan Tomas Myuller qo‘ydi, 5:1.

Shu tariqa "Arsenal" javob o‘yinida qilish uchun o‘ziga ish qoldirmadi.