Биласизми? Поль Погба бугун ўз акасига қарши ўйнайди
Хабарингиз бор бугун УЕФА Европа лигаси 1/16 финал босқичи жуфтликлари ўзларининг дастлабки учрашувларини ўтказишади.
Мусобақа фаворитларидан бири ҳисобланган “Манчестер Юнайтед” бугун “Олд Траффорд”да Франциянинг “Сент-Этьен” клубини қабул қилади.
Мухлислар шу куни ака-ука Погбаларнинг ўзаро тўқнашувига гувоҳ бўлишлари мумкин. Боиси, “қизил иблислар” сафида тўп сураётган Поль Погбанинг акаси Флорентин Погба айни дамда “Сент-Этьен” клуби шарафини ҳимоя қилмоқда.
Айтиш керакки, ампуласи ҳимоячи бўлган 26 ёшли Флорентин Гвинея терма жамоаси аъзоси ҳисобланади. Дунёнинг энг қиммат футболчисининг яна бир акаси Матиас Погба ҳам Гвинея терма жамоаси шарафини ҳимоя қилади. У айни дамда Роттердамнинг “Спарта” клубида ўйнайди.
Эслатиб ўтамиз, “Манчестер Юнайтед” ва “Сент-Этьен” жамоалари ўртасидаги учрашув бугун Тошкент вақти билан соат 01:05да бошланади.
Фикрлар