Бугун Ўзбекистоннинг амалдаги чемпиони "Зенит" билан ўйнайди

Янги мавсумга тайёргарликни БААда олиб бораётган Тошкентнинг "Локомотив" клуби бугун иккинчи ўртоқлик учрашувини ўтказади. "Темирйўлчилар" Jabel Ali стадионида Россиянинг энг кучли клубларидан бири "Зенит"га қарши баҳс олиб боришади. 

Бу ўйин кўпчиликнинг диққатини тортиши турган гап, негаки "Зенит" нафақат Россияда, балки Европада ўз ўрнига эга клублардан бири ҳисобланади. Учрашув Дубай вақти билан 16:00да (Тошкент вақти билан 17:00) бошланади.