Диего Коста “Челси”нинг “Халл Сити”га қарши ўйинида таркибга киритилиши мумкин
Англиянинг “Челси” клуби ҳужумчиси Диего Коста якшанба куни асосий жамоа таркибига қайтиши мумкин. Бу ҳақда Sky Sports хабар бермоқда.
Хабарингиз бор, ҳужумчи Англия чемпионати доирасида “Лестер”га қарши ўйиндан сўнг бош мураббий Антонио Конте билан жанжаллашиб қолган. Шундан сўнг испаниялик форвард асосий таркибдан чиқарилганди.
Манбада ёзилишича, кеча клуб вакиллари ва Коста жамоа базасида бир соат давомида учрашув бўлиб ўтган. Шунингдек, форвард лондонликларнинг машғулотида ҳам иштирок этган.
Тахминларга кўра, Диего Коста 22 январь куни бўладиган “Халл Сити”га қарши ўйинда иштирок этади.
Фикрлар