Драган Чераннинг голи «Насаф»га ғалаба келтирди

Анталияда янги мавсум тайёргарликларини олиб бораётган "Насаф" клуби навбатдаги назорат учрашувини ўтказди.

Бироз аввал якунига етган ўйинда «аждарлар» Руминиянинг «Ботошани» клубини 1-0 ҳисобида мағлуб этди. Ўйиндаги ягона голга Драган Черан муаллифлик қилган.

Назорат учрашуви. "Насаф" - "Ботошани" (Руминия) 1:0.

Гол: Драган Черан (20).

“Ботошани” 2003/04дан 2013 йилги мавсумгача Руминия қуйи лигасида фаолият юритган. 2013 йилдан эса Руминия олий дивизионида иштирок этиб келмоқда. 2014/15 йилги мавсумни 8-ўринда тамомлаган мазкур клуб, ўзидан юқорида бўлган 4та клубнинг УЕФА лицензиялаш жараёнидан ўта олмагани учун Европа лигасида иштирок этиш ҳуқуқини қўлга киритади. 2015/16 йилги мавсумда “Ботошани” Европа лигаси саралашининг 2 босқичида Польшанинг “Легия” клубига мағлуб бўлиб, лигадаги иштирокини якунлаган.

Фикрлар

Фикр қолдириш учун авторизациядан ўтинг!