Эртага 250 минг долларлик "Tashkent Open" турнири старт олади

25-30 сентябр кунлари Республика Олимпия захиралар теннис мактабида WТА туркумидан ўрин олган анъанавий тарзда ўтказилиб келинадиган “Tashkent Open” турнири бўлиб ўтади.

Ўн тўққизинчи бор ўтказилаётган турнирда жаҳоннинг 20 га яқин мамлакатидан ташриф буюрган 100 дан ортиқ теннисчилар бош соврин учун курашга киришадилар.

Бу йилги мусобақаларда Кристина Плишкова (Чехия), Юханна Ларссон (Швеция), Евгения Родина, Виталия Дьяченко (Россия), Полин Парментье (Франция), Александра Крунич (Сербия), Нао Хибино, Куруми Нара (Япония), Катерина Бондаренко, Катерина Козлова (Украина), Ирина-Камелия Бегу (Руминия), Штефани Фёгеле (Швейцария)лар фаворит сифатида эътироф этилмоқда.

Ушбу турнирда юртимиз шарафини Сабина Шарипова, Нигина Абдураимова ва Оқгул Омонмуродова каби кучли теннисчиларимиз ҳимоя этишади.

Қуйида саралаш раундида ҳозирга қадар бўлиб ўтган ўйинлар натижаси ва биринчи даврада ўзаро тўқнаш келадиган теннисчилар билан танишасиз.

Фото: “Тashkent Open”.