Галиулиннинг жамоаси "Лига Fair Play" совринига лойиқ деб топилди

Россия профессионал футбол лигаси (РФПЛ) чемпионатнинг энг ҳолол ўйин кўрсатган жамоаси учун таъсис этилган "Лига Fair Play" совринининг август ойи лауреатини эълон қилди. Унга кўра ҳамюртимиз  Вагиз Галиулин тўп сурадиган "Тосно" клуби ушбу номга лойиқ деб топилди.

Ушбу совринни тантанали топшириш маъросими бугун бўлиб ўтадиган “Тосно” ҳамда “Спартак” жамоалари ўртасидаги баҳсдан аввал ўтказилади. Таъкидлаш лозимки, ушбу соврин ҳар ой якунларига кўра жамоанинг кўрсатган ҳалол ўйинига қараб аниқланади.

Эслатиб ўтамиз, бундан аввалроқ “Тосно” сафида тўп сурадиган ҳамюртимиз Вагиз Галиулин бугун бўлиб ўтадиган “Спартак”ка қарши баҳсда асосий таркибдан жой олмагани ҳақида хабар берган эдик.