Головкин - Котто жанги декабрда ўтказилиши мумкин

Биринчи ўрта вазн (69,9 кг) тоифасининг WBO чемпионлик камари соҳиби пуэрторикалик Мигель Котто (41-5, 33 КО) ўзининг сўнгги интервьюларида бир неча марта Геннадий Головкин ва Сауль Альварес жанги ғолиби билан рингда учрашишни мақсад қилганини айтиб ўтган эди. Шундан сўнг у қўлқопларини михга илишни режалаштирган.

Бироқ Головкин – Альварес қарама-қаршилигида ғолиблар аниқланмади ва дуранг қайд этилган эди. Альварес ушбу жанггдан сўнг рингга 2018 йил май ойида қайтишини маълум қилган бўлса, Геннадийнинг промоутери Том Лёффлер Коттонинг қозоғистонлик боксчи билан учрашмоқчи эканлигини маълум қилган.

• Головкинга қарши жангда Альваресга ён босган ҳакамнинг фаолияти тўхтатилди

– Гап энди Коттонинг Геннадий билан урушида қолган, — дея Лёффлернинг сўзларини келтиради Boxingscene ншари. — Котто Головкин – Альварес тўқнашуви ғолиби билан урушишни маълум қилган эди. Бироқ Альварес келаси йил май ойигача рингга чиқмаслигини маълум қилди. Шунга кўра, Котто Головкин (декабрда) билан учрашмоқчи.