Головкинга қарши жангда Альваресга ён босган ҳакамнинг фаолияти тўхтатилди

Невада штати атлетик комиссияси ижрочи директори Боб Беннеттнинг сўзларига кўра, қозоғистонлик Геннадий Головкин ва Сауль Альварес ўртасидаги жангда мексикалик боксчининг ғалабасини эълон қилган ҳакам Аделаида Бирд фаолиятини тўхтатди. Унинг сўзларига кўра, рефери танаффус олиши керак.

Эслатиб ўтамиз, WBA, IBF ва WBC чемпионлик камарлари учун кечган жангда дуранг қайд этилган. Бирд якунда 118:110 ҳисобларида мексикалик боксчининг ғалабасини эълон қилган. Иккинчи ҳакам 115:113 ҳисобида Головкиннинг устунлигини эътироф этган бўлса, учинчиси (114:114) дуранг қайд этди.

• Головкин ва Альварес тўқнашувида ғолиб номи аниқланмади (фото)

– У танаффусга муҳтож. Мен унинг ишга тез қайтишини истамасдим. У қайтади, бироқ ҳозир танаффус олиши зарур. Бу ерда боқа соҳалардаги каби оғир осон бўлмаган кунлар ҳам бўлиб туради, – дея Беннеттнинг сўзларини келтиради Los Angeles Times нашри.

Бирд ҳакамлик соҳасида 20 йилдан бери фаолият юритиб келади. У 442 жангда ишлаган.

• Головкин ва Альварес реванш жанги баҳорда бўлиши мумкин