Илк кундаёқ 500 минг ишқибоз мундиални стадиондан кузатиш учун ариза берди

Аввал хабар берганимиздек кеча ЖЧ-2018 чипталарининг электрон сотуви бошланди.

Ўтган 24 соат ичида Россия яшил майдонлари мезбонлигида ўтадиган мундиални кўриш истагини билдирган 500 минг ишқибоздан мурожаатномалар келиб тушди. Чипталарга энг кўп сўровлар Россия, Мексика, Аргентина, Бразилия, Хитой, АҚШ, Колумбия, Германия ва Англиядан бўлмоқда.

Эътиборлиси, ушбу мурожаатларнинг 50 мингтаси финал учрашувига тўғри келса, яна 40 мингтаси турнирнинг очилиш учрашувига тўғри келади.

Эслатиб ўтамиз, мурожаатлар 12 октябрга қадар қабул қилинади. Агар келиб тушган аризалар мавжуд чипталардан ортиб кетса, у ҳолда омадли ишқибозлар қуръа ташлаш орқали аниқланади.