Karting bo‘yicha O‘zbekiston kubogi yakunlandi

O‘zbekiston mudofaasiga ko‘maklashuvchi “Vatanparvar” tashkiloti Markaziy kengashning 2018 yilgi sport tadbirlari kalendar rejasiga asosan 10-12 avgust kunlari Uchqo‘rg‘on tuman USTKga qarashli kartadromda o‘tkaziladigan karting bo‘yicha O‘zbekiston Kubogi 2-bosqich va final musobaqasi o‘tkazildi.

Musobaqada Toshkent shahri va barcha viloyatlardan jami 168 dan ortik 7 yoshdan boshlab va undan yuqori bo‘lgan (hamda 5 nafar qizlar) sportchilar ishtirok etdilar.

Musobaqaning yakuniy natijalariga ko‘ra, 1-o‘rinni Toshkent shahri Yashnobod tuman o‘quv sport texnika klubi jamoasi, 2-o‘rinni Toshkent viloyati Angren avtomobil maktabi  jamoasi va 3-o‘rinni Namangan viloyati Uychi tuman o‘kuv sport texnika klubi jamoasi egalladilar.

G‘oliblarga “Vatanparvar” tashkilotining esdalik sovg‘alari va faxriy yorliklari topshirildi. Ushbu tadbirda O‘zbekiston Avtomobil sporti federatsiyasi prezidenti Azimjon Ahmedxodjaev ishtirok etdi.