Lyuis Xemiltonga Yaponiyada ham eta olishmadi

Yaponiyaning Suzuka trassasida “Formula-1” musobaqasi bo‘yicha Gran-pri bahslarida g‘olib va sovrindorlar nomi aniq bo‘ldi.

Musobaqaning hal qiluvchi poygasida “Mersedes” jamoasi a’zosi Lyuis Xemilton 53 aylanani birinchilardan bo‘lib bosib o‘tdi. 

Uning jamoadoshi Valtteri Bottas esa marraga +12,919 soniya kech keldi va ikkinchi bo‘ldi. “Red Bull” jamoasi poygachisi Maks Ferstappen  kuchli uchlikni yakunlab berdi.

Ushbu Gran-pridan so‘ng Lyuis 331 ochko bilan shahsiy hisobda ham karvonboshilik qilmoqda.  Sebastyan Fettel 264 ochko bilan ikkinchi,  Valtteri Bottas esa 207 ochko bilan uchinchi pog‘onadan o‘rin olgan.