МЮ "кўчада қолган" иқтидорларни ўз сафига жалб этди

"Манчестер Юнайтед" клуби раҳбарияти "Хаддерсфилд" жамоаси ўз академиясини ёпгани муносабати билан у ерда таҳсил олаётган 5та иқтидорли футболчи билан шартнома имзолашга қарор қилди. Бу ҳақда Daily Mail нашри хабар тарқатмоқда.

U-16 ёш тоифасидаги ушбу футболчилар жорий ҳафта "Олд Траффорд"да ёпиқ эшиклар ортида кўрикдан ўтказилди.

Маълумотларга кўра "Хаддерсфилд"нинг қолган футболчилари тез орада премьер-лиганинг бошқа жамоалари сафига бориб қўшилишлари кутилмоқда.