"Манчестер Юнайтед" ёзда олинадиган супертўпурар номини ошкор қилди
Англия чемпионатида олтинчи ўринни бораётган "Манчестер Юнайтед" бош мураббийи Жозе Моуриньо ёзги трансферлар мавсумида таркибда жиддий ўзгаришлар бўлиши ҳақида гапирган эди.
Шунингдек, португалиялик мутахассис клуб ёш, тезкор ва бақувват тўпурар ҳужумчига эҳтиёж сезаётганини ҳам бир неча маротаба айтган. "Манчестер Юнайтед" ўз таркибида кзўришни истаётган ана шундай ҳужумчи "Торино" тўпурари Андреа Белотти бўлиб чиқди.
Италия терма жамоасининг 23 ёшли ҳужумчиси жорий мавсумда "Торино" учун 23 та учрашув ўтказиб, 17 та гол урди ва 4 та голли пас узатди.
2015 йилдан буён "Торино"да ўйнаётган Белоттига "Манчестер Юнайтед"дан ташқари "Реал" ва ПСЖ ҳам жиддий қизиқиш билдирган."Торино" бу футболчи билан 2021 йилгача шартнома тузган ва ҳужумчини олмоқчи бўлган клубдан 100 миллион евро талаб қилмоқда.
Фикрлар