Марсело нечта ўйинга дисквалификация қилингани маълум бўлди

13 сентябрь,2017, 18:28 797

Марсело нечта ўйинга дисквалификация қилингани маълум бўлди

Испания Ла Лигаси тартиб-интизом қўмитаси Мадриднинг "Реал" клуби ҳимоячиси Марселони икки ўйинга четлатди.

29 ёшли футболчи Ла Лига 3-туридан ўрин олган "Леванте"(1-1)га қарши баҳсда Жефферсон Лермга қарши қўполлиги учун ҳакам томонидан тўғридан-тўғри қизил карточкага "лойиқ" кўрилган эди.

Бош ҳакамнинг қайдномасида Марсело тўпсиз бўлган Лермнинг елкасига зарба бергани қайд этилган. Регламентда эса бундай ходиса юзасидан 1-3 ўйинга дисквалификация қилиниши мумкинлиги ёзилган.

Шундай қилиб, "Реал" билан 2022 йилга қадар мўлжалланган шартнома имзолаган Марсело "Реал Сосьедат" ва "Бетис"га қарши баҳсларда жамоасига ёрдам бера олмайдиган бўлди.

Ижтимоий тармоқлар

Бизни ижтимоий тармоқларда кузатиб боринг!

.