Майк Дин қўпол хатоси сабаб АПЛдан ҳайдалди

Англия Премьер лигасидаги шубҳали қарорлари билан жиддий эътирозларга сабабчи бўлган ФИФА рефериси Майк Дин энди АПЛ баҳсларида ҳакамлик қилмайди. Англия Ҳакамлар Уюшмасининг қарорига мувофиқ 48 ёшли ҳакам савияси бўйича қуйи поғонада турувчи яъни Чемпионшип ўйинларида фаолият олиб боради.

Маълумот ўрнида, Англиялик ҳакам “Вест Ҳем” - “Манчестер Юнайтед” учрашувининг 15-дақиқасида мезбон жамоа ярим ҳимоячиси Софиан Фегулига қизил карточка кўрсатган эди.

Бир неча кундан сўнг эса, Англия футбол ассоциацияси (ФА) Софиан Фегулига кўрсатилган қизил карточкани бекор қилди. Бироқ 75 дақиқа давомида бир киши кам бўлиб ҳаракат қилган “болғачилар” якунда "қизил иблисларга" мағлуб бўлишган эди.

Фикрлар

Фикр қолдириш учун авторизациядан ўтинг!