Олти спорт тури бўйича чемпион яккакурашчимиз Суҳроб Раҳимбеков Ўзбекистонга қайтиб келди

Юртимизда маҳоратли спортчилар кўп. Бу спортчилар қатор халқаро турнирларда муносиб ҳимоя қилиб келмоқда. Айниқса, яккакурашчиларимизнинг эришаётган натижалари тобора яхшиланиб бормоқда.

Шулар қаторида олти спорт турида чемпионликни қўлга киритган маҳоратли яккакурашчимиз Суҳроб Раҳимбековдир. Ҳозирда бешта NAGA турнири чемпионлик камарига эгалик қилиб келаётган спортчимиз бугун Ўзбекистонга қайтиб келди.

Суҳроб дастлаб таэквандо билан шуғуллана бошлаган. Шундан сўнг яккакураш спорт турларининг жанговар самбо, ушу санда, комбат айкидо, ММА, JIU-JITSU ва бошқаларда ғолибликни қўлга киритган.

Суҳроб Раҳимбеков ғолиб чиққан мусобақалар

Жанговар самбо: Халқаро турнир (Чехия), Осиё чемпионати (Ж.Корея)
Ушу санда: Жаҳон чемпиони (АҚШ), Осиё чемпиони (Тошкент)
Комбат айкидо: Осиё ва жаҳон чемпиони
Таеквандо: Америка очиқ чемпионати
ММА: Осиё ва Қозоғистон очиқ чемпионати
JIU-JITSU: АҚШ очиқ чемпионати (5та NAGA камари соҳиби)

Эслатиб ўтамиз, Суҳроб сўнгги жангини 18 октябрь куни ўтказиб, бирдаги иккита камарга эга чиққан эди ва чемпионлик камарлари сонини 5 тага етказиб олди.

Суҳроб Раҳимбеков UFC билан расмий шартнома имзолаш учун яқин турибди. Бунинг учун у яна уч марта рингга чиқиши ҳамда камарлари сонини 8 тага етказиши шарт. Шундан сўнг томонлар ўртасида келишув имзоланади.

Маълумот учун: JIU-JITSU — жанг санъати ва асосан гилам устида беллашадиган халқаро спорт яккакураш тури. Шунингдек, рақиблар бир-бирини қийнаб, оғриқ берувчи усуллар қўлланилади. Бу спорт тури ХХ аср бошларида Кодокан дзюдодан ажралиб чиққан.

Фикрлар

Фикр қолдириш учун авторизациядан ўтинг!