Ўзбекистоннинг иккинчи ракеткаси 100 минг долларлик турнирда иштирок этади

Ўзбекистоннинг иккинчи ракеткаси Нигина Абдураимова Россиянинг Санкт-Петербург шаҳрида давом этаётган "Neva Cup 2017" турнирида иштирок этади.

Теннисчимиз турнирдаги иштирокини асосий тўр баҳсларидан бошлайди. Мукофот жамғармаси 100 000 АҚШ долларини ташкил этадиган турнирининг илк даврасида унга россиялик Полина Лейкина рақибалик қилади.

Ушбу ўйин Тошкент вақти билан бугун соат 13.30 да бошланиши режалаштирилган.