Рамос энди 500-рақамда ўйнайди-ми? (фото)

Аввал хабар берганимиздек Мадриднинг “Реал” клуби сардори Серхио Рамос ўтган турда “Осасуна”га (3:1) қарши баҳсда ўзининг “қироллик клуби” сафидаги 500-ўйинини ўтказди.

Ўз навбатида “Реал” президенти Флорентино Перес 30 ёшли ҳимоячини бу ютуқ билан табриклади ва унга 500 рақами туширилган жамоа футболкасини топширди.

“Бу мен учун жуда муҳим рақамлар. Чунки, “Реал” сафида 500та ўйин ўтказиш ҳаммага ҳам насиб қилавермайди. Бу мен учун катта шараф. Умид қиламанки, бу жамоа таркибида яна кўплаб учрашувларда иштирок этаман”, - дейди Рамос клуб расмий сайтига берган интервьюсида.