"Реал" ютқазган ўйинда Роналду жамоасининг рекордини ўрнатди
Испания чемпионатининг 16-тур қолдирилган учрашуви "Реал" футболчилари учун омадсиз якунланган бўлса-да, янги рекорд ўрнатилди.
Сафарда "Валенсия"га қарши ўйнаган мадридликлар учрашувда мағлубиятини тан олишга мажбур бўлди. Мезбонларнинг 2:1 ҳисобидаги ғалабаси билан якунланган баҳс "Реал" учун рекорд натижа қайд этилгани билан аҳамиятли бўлди.
Рақиб дарвозасини ишғол қилган Криштиану Роналду жамоасининг голли сериясини 43 та ўйинга етказди ва бу Мадрид клубининг мутлақ рекорди сифатида қайд этилди. Агар "Реал" футболчилари 26 февраль куни "Вильярреал" дарвозасига ҳам тўп киритса, "Барселона"нинг 44 та ўйиндан иборат голли сериясини такрорлайди ва Испания жамоаларининг янги рекордини уриш имконига эга бўлади.
"Реал" футболчилари сўнгги маротаба 2016 йилнинг 26 апрель куни "Манчестер Сити"га қарши ўйинни голсиз якунлаган эди.
Фикрлар