Роналду рашк ўтида ёнмоқда

Португалия терма жамоаси ва "Реал" етакчиси Криштиану Роналду янги маъшуқаси Жоржина Родригеснинг қилиғидан ғазабланди.

Яқинда журналистлар Жоржина Родригеснинг ижтимоий саҳифаларида футболчи билан тушган бирорта сурати йўқлиги ҳақида кўп хабар тарқатган эди.

Жоржина Instagram саҳифасига бир йигит билан тушган суратини қўйди. Калладос исмли бу йигит гўзал хонимнинг яқин дўсти экан.

Криштиану Роналдунинг бунга рашки келди ва суратга "cuidado" деб изоҳ ёзиб қўйди. Бу сўз испанчада "эҳтиёт бўл!" деган маънони билдиради.

Аввалроқ, Роналдунинг онаси ўғлидан шу қизга уйланишни талаб қилган ва Криштиану келаси йили ёзда тўй қилишга ваъда берганди.