Сабина Шарипова фаолиятидаги энг юқори рейтингига эга бўлди
Теннисчи қизларимиз ўртасида биринчи рақамли ракетка устаси ҳисобланган Сабина Шарипова ҳам Аёллар теннис уюшмаси - WTA рейтинг жадвалида мунтазам юқорига кўтарилмоқда.
22 ёшли тошкентлик теннисчи янги жаҳон рейтингида уч поғона юқорилаб, 137-ўриндан жой олди. Бу Сабина Шарипованинг фаолиятидаги энг юқори натижадир.
Жаҳон рейтингида Австралия очиқ чемпионати ғолибаси америкалик Серена Уильямс пешқадамлик қилмоқда.
Мавсумни рейтингни энг юқори қаторида бошлаган германиялик Анжелика Кербер эса бу йил бирорта соврин ютолмади ва айни пайтда рейтингда иккинчи поғонада бормоқда.
2017 йилда иккита турнирда бош совринни қўлга киритган Каролина Плишкова учинчи ўриндаги мавқеини сақлаб турибди.
Фикрлар