“Севилья” устози Мессини кимга ўхшатди?

Испаниянинг “Севилья” клуби бош мураббийи Хорхе Сампаолининг фикрича “Барселона” етакчиси Лионель Мессини ҳеч қайси футболчига тенглаштириб, қиёслаб бўлмайди. Мутахассиснинг сўзларига кўра Лео ҳудди Бэтменга ўхшайди.

“Мессини ким биландир тенлаштириш бу полициячи билан Бэтменни тенглаштиришдек гап”, - дейди аргентиналик мутахассис BeIN Sportsга берган интервьюсида.

Маълумот учун, Месси ушбу мавсум жами 25та учрашувда майдонга тушиб, ўз ҳисобига 27та гол ҳамда 9та голли узатма ёздириб қўйишга эришган.  

Аввалроқ Мессининг "Барселона" билан шартномани узайтириш борасида келишувга эришгани ҳақида хабар берган эдик.