Шоҳжаҳон ваъдасини бажарди ёхуд тўққизинчи нокаут
Россиянинг Санкт-Петербург шаҳрида ташкил этилган профессионал бокс кечасида ўзбекистонлик нокаутчи Шоҳжаҳон Эргашев (8-0-0, 8 КО) фаолиятидаги тўққизинчи жангини ўтказди.
Шоҳжаҳон угандалик Ҳамза Семпевога қарши ринг олдидан SPORTS.uz ахборот портали билан боғланиб, ўзбекистонлик бокс мухлисларини нокаут билан хурсанд қилишга ваъда берганди.
Етти йилдан буён профессионал рингда жанг қилаётган ва 14 жангда зафар қучган Ҳамза Семпево анча жиддий рақиб эди. Бу боксчи икки вазн бўйича Уганда чемпиони, Шарқий ва Марказий Африка чемпионлик камари соҳибидир.
Ўзбек нокаутчиси Шоҳжаҳон Эргашевни африкалик чемпион жангга чақирди
Шоҳжаҳон Эргашев Африка чемпионини нокаут қилишга ваъда берди (видео)
Шоҳжаҳон Эргашев: Устозлар дуоси ғалабага руҳлантиради
Бироқ, Ҳамза мутахассислар томонидан кучли боксчи дея эътироф этган бўлса-да, Шоҳжаҳонга муносиб қаршилик кўрсатишга унинг қурби етмади. Шоҳжаҳон 10 раундлик жангнинг биринчи раундида рақибини кучли зарбаси эвазига нокаутга учратиб, кетма-кет тўққизинчи ғалабасини нишонлади.
- Рақибимни нокаут қилишга ваъда бергандим, - деди Шоҳжаҳон Эргашев. - Сўзимнинг устидан чиққанимдан хурсандман. Мухисларим мендан нафақат ғалаба, балки нокаут кутишини яхши биламан. Боксчилар энг аввало ватан шаъни ва халқ ишончини оқлаш учун рингга чиқади. Шунинг учун ҳам менга ишонган ҳар бир мухлисни хушнуд этиш мен учун катта шараф. Кейинги жангларда ҳам фақат ғалаба учун жанг қиламан.
Шоҳжаҳон Эргашевнинг профессионал боксчилик фаолиятига оид янгиликлар, тафсилотлар, фото ва видео лавҳаларни SPORTS.uz ахборот портали орқали кузатиб бориш имконига эгасиз.
Фикрлар