Тухель: Яхши ўйнаб, ютқаздик, бунақаси фақат футболда бўлади

Дортмунднинг “Боруссия” клуби бош мураббийи Томас Тухель кеча бўлиб ўтган “Бенфика”га қарши УЕФА Чемпионлар лигаси 1/8 финал босқичи дастлабки ўйиндан сўнг ўз фикрларини билдиб ўтди.

“Биз шунчаки яхши ўйнамадик, биз ажойиб ўйин намойиш этдик. Аммо, якунда мағлуб бўлдик. Бунақаси фақат футболда бўлиши мумкин. Яхшиямки олдинда жавоб ўйини бор.

Обамеянг Африка миллатлар кубогидаги иштирокидан сўнг ҳали тўлиқ тикланиб улгурмагани билиниб қолди. Унинг пенальтидан гол ура олмагани бунга яққол мисол. Мен жуда ҳафаман, аммо, бугунги кўрсатган ўйинимиздан фаҳрланаман”, - дейди Тухель.

Эслатиб ўтамиз, кечаги ўйинда “Бенфика” ўз майдонида “Боруссия Д”ни кичик – 1:0 ҳисобида мағлубиятга учратган эди.