UFC жангчиси боксчи Дэвид Хэй билан куч синашади

Бокс бўйича собиқ жаҳон чемпиони британиялик Дэвид Хэй келаси йилнинг бошларида мутлоқ жанглар чемпионати (UFC)да ўз иштирокини америкалик Жимми Манувага қарши беллашув билан бошлайди. Бу ҳақда Манува сўзларига таяниб The Sun газетаси маълум қилган.

Аввалроқ 36 ёшли боксчи ТАСС нашрига Бутунжаҳон бокс ассоциацияси (WBA) ва халқаро бокс федерацияси (IBF) чемпионлик камарлар соҳиби Энтони Жошуа билан 2018 йилда жанг қилишни режалаштирганини айтиб ўтган эди. бундан ташқари у жорий йилнинг декабрида яна битта жанг ўтказишни ҳам мақсад қилган эди.

– Бизнинг жангимиз давом этади. Мен шуни хоҳлайман, у ҳам шуни истайди, – дейди 37 ёшли спортчи Манува. – У бу жангимизга қадар иккита тўқнашув борлигини айтди. Бу келаси йилнинг бошига тўғри келади.

Британиялик боксчи ҳисобида 28 ғалаба (26 нокаут) ва 3 мағлубият мавжуд. Манува UFCда 2012 йилдан бери фаолият юритиб келади. У сўнгги марта жорий йилнинг 29 июлида рингга чиққан ва туркиялик Волкан Ўздемирга имкониятни бой берган. Жами унинг ҳисобида аралаш яккакураш жангларида 20 жанг бор ва шулардан 17 тасини (16 муддатидан олдин) ғалаба билан якунлаган бўлса, 3 марта мағлубият аламини тортишга мажбур бўлган.