“Uzbek Tigers” юлдузи Ҳасанбой Дўсматов: Жангга тайёрман!

 

The World Series Boxing (WSB) – Бутунжаҳон бокс сериялари VII мавсумидан ўрин олган “Uzbek Tigers” ва “Patriot Boxing Team” ўртасидаги учрашувнинг энг машҳур боксчиси, Олимпия ўйинлари ғолиби, Вэл Баркер кубоги соҳиби Ҳасанбой Дўсматов учрашув олдидан SPORTS,uz  ахборот порталига қуйидагиларни гапириб берди.

- Олимпия ўйинларидан сўнг эртага биринчи жангимни ўтказаман, - деди Ҳасанбой Дўсматов. - Янги мавсумга тайёргарликни январь ойидан бошлаганман. Учта ўқув-машғулот йиғинида қатнашдик. Тайёргарлигимиз маромида.

2017 йилда ҳам юқори натижаларни кўрсатишга ҳаракат қиламиз. Хусусан, ва “Patriot Boxing Team” билан учрашувда рингга чиқадиган барча боксчиларимиз каби мен ҳам жангга ва ғалаба қозонишга тайёрман.

Спортчи учун мухлисларнинг қўллқб-қувватлаб туриши муҳим омил ҳисобланади. Албатта, “Uzbek Tigers” жамоасининг ҳар бир аъзосини мухлисларимиз ўз олқишлари билан ғалабага ундаб туришига ишонаман. Эртага албатта ўзимизни кўрсатамиз!

Ҳасанбой Дўсматов WSB турнирида умуман енгилмаган боксчи ҳисобланади. Ҳамюртимиз ушбу турнирда 11 маротаба рингга чиқиб, барча рақибларини мағлуб этган. Ўтган йили Ҳасанбой Дўсматов Россияда ўтказилган учрашувда эртанги рақиби Батор Сагалуев устидан ҳам ғалаба қозонган.

SPORTS.uz

Фикрлар

Фикр қолдириш учун авторизациядан ўтинг!