Варан "Барселона"га етиб олиш учун "Реал"да ҳали имкон бор деб ҳисобламоқда

Мадриднинг “Реал” клуби ҳимоячиси  Рафаэль Вараннинг сўзларига кўра унинг жамоаси ҳали чемпионлик пойгасидан чиқиб кетгани йўқ. Франциялик футболчи бу ҳақда Ла Лиганинг 12-турида “Атлетико”га (0:0) қарши кечган ўйиндан сўнг айтиб ўтди.

“Мавсум якунига қадар ҳали узоқ ва биз босқичма-босқич ўз ўйинимизни яхшилаб боряпмиз. Қолаверса, биз нима қилишимиз кераклигини жуда яхши биламиз. Албатта, мен “Атлетико”га қарши ўйинда қайд этилган натижадан ҳафаман, бироқ, биз яхши ўйин кўрсатдик”, - дейди Варан Marca нашрига берган интервьюсида.

Эслатиб ўтамиз, Зинедин Зидан шогирдари чемпионатнинг ўтган 12та тур якунларига кўра 24 очко билан 3-ўринни эгаллаб туришибди. Пешқадам “Барселона”да эса 34 очко мавжуд.

Фикрлар

Фикр қолдириш учун авторизациядан ўтинг!