Vermalen "Roma"da ham "eski qilig‘ini" boshladi

Rimning "Roma" klubi himoyachisi Tomas Vermalen bugun mashg‘ulot paytida yana jarohat oldi. Bu haqda Sky Italia xabar bermoqda.

Yuqoridagi manbaaga ko‘ra 31 yoshli futbolchining aniq qancha muddatga safdan chiqqani to‘liq tibbiy tekshiruvlardan so‘ng ma’lum bo‘ladi.

Aytish kerakki belgiyalik futbolchi Rimga kelishidan avval "Arsenal" va "Barselona" kabi jamoalarda ham to‘p surgan. U mana shunday jarohatlar sabab so‘nggi to‘rt mavsumda bor yo‘g‘i 29 marta maydonga tushgan holos.