Зидан ишонган футболчисидан айрилди
"Реал" бош мураббийи Зинедин Зидан жамоанинг моҳир ҳимоячиси Рафаэль Варан хизматидан фойдалана олмайдиган бўлди.
Франция терма жамоаси ҳимоячиси Испания чемпионати 16-турининг қолдирилган учрашувида "Валенсия"га қарши майдонга тушганди. Бироқ учрашувнинг 73-дақиқасида жароҳат туфайли захирага олинди.
Тиббий текширувлар футболчининг мушаклари жароҳатланганини кўрсатди. У яна қайта текширувдан ўтказилади. Ҳозирча тикланиш учун камида уч ҳафта кераклиги айтилмоқда.
Варан Испания чемпионатида 18 та ўйинда қатнашди ва битта гол урди.
Фикрлар