"Барселона" Рафиньяни "Интер"га сотмади
Каталониянинг “Барселона” клуби раҳбарияти жамоа ярим ҳимоячиси Рафиньяни "Интер"га қўйиб юбормади.
Marca нашри тарқатган хабарга қараганда миланликлар 24 ёшли бразилиялик футболчининг трансфери учун “Барса”га 20 млн евро таклиф қилишган, якунда эса бу борада рад жавобини олишган. Маълумотларга кўра каталонияликлар Рафиньяни 35 млн евродан камига сотишмоқчи эмас.
Эслатиб ўтамиз, бундан аввалроқ Рафиньяга “Сельта” ҳамда “Арсенал” клубларидан ҳам жиддий таклифлар бўлаётгани ҳақида хабарлар тарқалган эди. Футболчининг “Барселона” билан амалдаги шартномаси 2020 йилга қадар имзоланган.
Фикрлар