Элиза Мертенс бош совринни уйга олиб кетди
Австралияда хотин-қизлар ўртасида ўтказилган “WTA Hobart International – 2018” турнири якунланди.
Мусобақанинг сўнгги ҳал қилувчи учрашувида бельгиялик Элиза Мертенс ва руминиялик Михаэла Бузарнеску ўзаро баҳслашди. Қизиқарли ўтган учрашувнинг биринчи сетини 6:1 ҳисобида ютиб олган Элиза иккинчи сетда 4:6 ҳисобида имкониятни бой берди.
Ўйиннинг учинчи сетида руминиялик теннисчидан омад юз ўгирди ва 6:3 ҳисобида мағлубиятга учради. Шу тариқа ғалаба қозонган Элиза Мертенс “WTA Hobart International” турнирининг бош совринини яна бир бор ўзиники қилди.
Фикрлар