Hikmat Ergashev: "Bu bilan hayot to‘xtab qolmaydi"

O‘zbekiston Kubogi guruh bosqichining so‘nggi uchrashuvida OKMK klubi o‘z maydonida “Buxoro”ni qabul qildi. Bu bellashuvda 2:2 hisobi qayd etildi va olmaliqliklar guruhda qolib ketdilar. O‘yindan keyin OKMK murabbiyi Hikmat Ergashev qisqacha shunday dedi:

- “Buxoro” jamoasini keyingi bosqichga chiqqani bilan tabriklayman. Futbolda shunday qoida bor: sen urmasang, senga urishadi. Xuddi shu holatda biz gol urishimiz kerak edi, ammo oxirgi soniyalarda gol o‘tkazib yubordik. Bu bilan hayot to‘xtab qolmaydi. Endi hamma e’tiborimizni ichki chempionatga qaratamiz.