Икки нафар ўзбекистонлик К-1 устаси Туркиядаги супер турнирда жанг қилишади

15 октябрь куни Туркиянинг Истанбул шаҳрида нуфузли жанг кечаси бўлиб ўтади. Diewolfe промоушени томонида жаҳоннинг кучли К-1 усталари ўртасида ўзига хос турнир ташкил этилмоқда.

Албатта, ушбу жанг кечасида 2 нафар ўзбекистонлик спортчи ҳам рингга кўтарилади. Жумладан, 76 кг вазнда Муроджон Аҳмедов нидерландиялик анчагина жиддий рақиб Кевин Хесслингга қарши жанг қилади. Аввалроқ, Аҳмедовга туркиялик Исмаел Узунер рақиблик қилиши керак эди. Бироқ, якунда Нидерландия вакили билан баҳс юритадиган бўлди. Яна бир юртдошимиз Наврўзбек Ўроқов эса туркиялик Ҳасан Четинга қарши жанг қилади.

Албатта, ушбу муҳим жангларда юртдошларимизга омад тилаймиз!