Жаҳонгир Зокировнинг профессионал боксдаги илк рақиби маълум!

Хабар бериб ўтганимиздек, 14 октябрь куни АҚШнинг Техас штатида профессионал бокс оқшоми бўлиб ўтади. Марказий жангда қозоғистонлик Жанибек Алимханули ва Винченцо Гуальтьери рингга кўтарилади. Биз учун аҳамиятли жиҳати, ёш истеъдод эгаси, оғир вазн тоифасидаги вакилимиз Жаҳонгир Зокиров ҳам профессионал боксда дебют жангини ўтказади.Бугунга келиб, 20 ёшли боксчимизнинг рақиби маълум бўлиб улгурган. Унга кўра Зокиров илк жангини келиб чиқиши мексикалик бўлган, АҚШ вакили Гильермо Дель Рио (3-4-1, 2 КО) билан ўтказади.

Албатта, ушбу жангда юртдошимизга омад тилаб қоламиз!