"Канело"-Мунгиа жанги олдидан ўзбек бокс юлдузларининг тахминлари...

Маълумки, 4 май куни АҚШнинг Лас-Вегас шаҳрида профессионал бокс оқшоми ташкил этилади. Ушбу кечанинг асосий тўқнашувида Сауль “Канело” Альварес ва Хайме Мунгиа тўқнаш келади. Ушбу жанг иккинчи ўрта вазн (76,2 кг ) тоифасида WBC, IBF, WBO, WBA чемпионлик камарлари учун бўлиб ўтади.
Биз анъанага мувофиқ ушбу жанг борасида ўзбек бокс олами вакилларининг фикрига қулоқ тутдик.

Миразизбек Мирзахалилов: Қизиқарли жанг бўлади. Бироқ, бу жангда мексикалик Сауль Альвареснинг имкониятларини юқори баҳолаган бўлардим. У ҳар томонлама рақибидан устун ва катта эҳтимол билан Альварес ғалаба қозонса керак.

Иқболжон Холдоров: Тўғриси, Хайме Мунгиа борасида у қадар кўп маълумотга эга эмасман. Жангларини кузатмаганман. Шунинг учун аниқ бир фикр билдира олмайман. Бироқ, “Канело”да улкан тажриба бор ва у қўл келиши мумкин. Аммо, бу бокс ва унда ҳар қандай ҳолат юзага келиши мумкин.

 
Лазизбек Муллажонов: Сауль Альварес бу жангда яққол фаворит деб ўйлайман. Хайме Мунгиа ҳам яхши даражадаги боксчи саналади. Аммо, барибир мексикалик боксчи ундан устунроқ. Жанг тўлиқ давом этади, деб ўйламайман. Сауль Алварес нокаут билан ғалаба қозонади.

Асадхўжа Мўйдинхўжаев: Хайме Мунгиа ҳам зўр боксчи. Лекин рақибига нисбатан анчагина тажрибасиз, ҳали ёшроқ. Сауль Альварес эса жаҳоннинг энг кучли профессионал боксчиларидан бири ва унда улкан тажриба бор. Шунинг учун бу жангда Альвареснинг имкониятини юқори баҳолаган бўлардим.

Аълохон Абдуллаев: Профессионал боксда бир зарба жанг тақдирини ҳал қилиб қўйиши мумкин. Хайме Мунгиа ҳам яхши боксчи. Аммо, Альваресни мағлуб этишга қодир деб ўйламайман. Катта эҳтимол билан Сауль Альварес ғалаба қозонса керак.

Адҳамжон Муҳиддинов: Ўйлайманки, бокс ишқибозлари учун жуда қизиқ жанг. Бу баҳс борасида барчанинг ўзига яраша фикри бор.Шу қатори менинг ҳам шаҳсий қарашларим мавжуд ва бу жангда иккаласида ҳам имкониятлар бўлади шунингдек,ҳар иккисининг ўзига яраша кучи ва принциплари бор. Боксда биргина зарба жанг тақдирини ўзгартириб юбориши мумкин. Бироқ, нисбатан Сауль Альваресда имконият юқорироқ деб ўйлайман.