Миразизбек Мирзаҳалилов элиминатор жангида ғалаба қозонди

Айни дақиқаларда Тожикистон пойтахти Душанбе шаҳрида бокс бўйича "IBA Чемпионлар оқшоми" ўтказиляпти.

Биз учун аҳамиятлиси, ҳамюртимиз Миразиз Мирзахалилов ушбу турнир доирасида мексикалик Луис Родригес Оканага қарши рингга кўтарилди. 10 раунд давом этган жангда вакилимиз очколар ҳисобига кўра ғалаба қозонди.

Эслатиб ўтамиз, жанг IBA чемпионлик камари учун Элиминатор мақомида бўлиб ўтди.