Мироншоҳ Иброҳимов: Ҳиссиётларимни тил билан ифодалаш имконсиз

-52 кг вазн тоифасида рингга кўтарилган Мироншоҳ Иброҳимов Ўзбекистон чемпионига айланди. Бухоролик спортчи финал беллашувидан кейин жанг ҳақида фикрларини билдириб ўтди:

"Ҳиссиётларимни тил билан ифодалаш имконсиз. Бунинг учун фақат рингга чиқиб, чемпион бўлиш лозим. Бу мураббиларимнинг ғалабаси, меники эмас. Умумий 4 та жанг ўтказдим ва айтишим мумкинки, уларнинг барчаси жуда қийин кечди. Чунки ҳамма спортчи рингга ғалаба қозониш учун чиқади.

Олдимизда катта турнирлар кутиб турибди. Энг асосий мақсадим Олимпия ўйинларида зафар қучиш".